U Minsku abmiarkujuć šlachi supraćstajańnia revalucyjam
10 krasavika ŭ biełaruskuju stalicu pryjeduć ŭdzielniki kruhłaha stała, jaki budzie pryśviečany temie «Uzajemadziejańnie ŭłady i hramadstva ŭ metach procidziejańnia vonkavamu ŭmiašalnictvu i «kalarovym revalucyjam».
Jak paviedamlaje aficyjny sajt ADKB, hiensakratar Mikałaj Bardziuža vystupić na adkryćci mierapryjemstva z admysłovymi dakładam.
U ramkach kruhłaha stała zapłanavana abmierkavać miechanizmy vonkavaha ŭmiašalnictva ŭ spravy byłych krain SSSR i inšych.
Udzielniki majuć namier abmierkavać madeli pravakacyj — vykarystańnie terarystaŭ, najmitaŭ, ekstremistaŭ, a taksama pytańni finansavańnia destabilizacyjnych mierapryjemstvaŭ, roli niaŭradavych arhanizacyj, internetu, ŚMI, sacyjalnych sietak.
U pryvatnaści, na sustrečy taksama zakranuć technałohii i miechanizmy kryzisnaha reahavańnia, apieradžalnyja miechanizmy niejtralizacyi niehatyŭnaha ŭpłyvu źniešnich umiašańniaŭ za košt stvareńnia i ŭmacavańnia ŭnutranych haryzantalnych i viertykalnych suviaziaŭ ŭ hramadzianskaj supolnaści. Nie zastanucca pa-za ŭvahaj i pytańni ideałohii, patryjatyčnaje vychavańnie i maralnyja kaštoŭnaści hramadstva.
Kruhły stoł arhanizavany Dziaržaŭnym sakrataryjatam Rady biaśpieki Biełarusi, sakrataryjatam ADKB pry ŭdziele analityčnaj asacyjacyi ADKB i Akademijaj kiravańnia pry Prezidencie Biełarusi.