Top-3 najbolš pryvabnych dla turystaŭ haradoŭ Biełarusi
Samyja papularnyja siarod turystaŭ harady vyznačanyja ŭ Biełarusi. Pra heta paviedamiŭ siońnia žurnalistam dyrektar departamienta pa turyźmie Ministerstva sportu i turyzmu Vadzim Karmazin.
U rejtynhu turystyčnych piarlinak lidzirujuć Minsk, Połack, Brest i Hrodna.
«Mahiloŭ naviedvajuć mienš, niekalki pamienšyŭsia prytok turystaŭ u Homiel», — skazaŭ Vadzim Karmazin, kamientujučy turystyčnuju pryvabnaść abłasnych centraŭ.
Niahledziačy na toje, što Minsk zajmaje ŭ hetym śpisie pieršy radok, lik mienavita arhanizavanych turystaŭ u stalicy zastajecca na adnym uzroŭni na praciahu apošnich troch hadoŭ. «Naadvarot, u Hrodzienskim, Bresckim i Viciebskim rehijonach kolkaść arhanizavanych turystaŭ raście ŭvieś čas», — adznačyŭ dyrektar departamienta pa turyźmie.
Najbolš papularnymi ŭ nazvanych haradach źjaŭlajucca słavutaści, źviazanyja z historyka-kulturnaj spadčynaj. Naprykład, u Połacku heta Safijski sabor, u Breście — miemaryjalny kompleks «Bresckaja krepaść-hieroj», u Hrodzienskaj vobłaści — zamki.
Raniej Minsportu i turyzmu ahučyła rejtynh samych papularnych biełaruskich słavutaściaŭ. Lideram pa naviedvalnaści ŭ 2013 hodzie staŭ Nacyjanalny historyka-kulturny muziej-zapaviednik «Niaśviž». U top-5 ŭvajšli Miemaryjalny kompleks «Bresckaja krepaść- hieroj», Homielski pałacava-parkavy ansambl, zamkavy kompleks «Mir», Nacyjanalny Połacki historyka-kulturny muziej- zapaviednik.