Anastasija Vałačkova padała ŭ sud na prankiera-žartaŭnika
Viadomaja rasijskaja balaryna Anastasija Vałačkova padała ŭ sud na viadomaha prankiera (telefonnaha chulihana) pa imieni Vavan. nahodaj stała toje, što prankier vykłaŭ u sietku skandalny aŭdyjozapis razmovy z Anastasijaj.
Majstar rozyhryšaŭ prankier Vavan patelefanavaŭ balarynie Anastasii Vałačkovaj i pradstaviŭsia pamočnikam surjoznaha viadomaha biznesmena. Zatym małady čałaviek prapanavaŭ artystcy zładzić dabračynny kancert, adznačyŭšy, što pierad kancertam Anastasii treba budzie sustrecca ź biznesmienami ŭ niefarmalnaj abstanoŭcy dla pieramovaŭ i razmovy pra roznyja detali vystupu. U vyniku balaryna Vałačkova, amal nie razvažajučy, pahadziłasia paparycca ŭ łaźni ź nieznajomym biznesmenam.
Taki pravakacyjny zapis, viadoma ž, kinuŭ cień na i biez taho skandalnuju reputacyju zorki. Nieadkładna Anastasija źviarnułasia da jurysta.
Artystka śćviardžaje, što hutarka była zusim pra inšaje, a pad jaje adkazy prosta pastavili zusim inšyja pytańni. Hetak, pa jaje słovach, na pytańnie, ci pahodzicca kamanda balaryny pierajazdžać nie ŭ ciahniku, a na aŭtobusie, byŭ jaje adkaz: «Tak, viadoma, biez prablem». U vyniku ž jon byŭ pakładzieny na zusim inšaje pytańnie ab łaźni.
Advakat balaryny śćviardžaje, što prankieru moža pahražaje štraf da miljona rubloŭ za paklop.