Žanna Fryskie ŭpieršyniu za čas chvaroby źviarnułasia da svaich prychilnikaŭ
Rasijskaja pop-zorka Žanna Fryskie ŭpieršyniu za čas svajoj chvaroby źviarnułasia da šmatlikich prychilnikaŭ jaje tvorčaści, jakija padtrymlivajuć jaje ŭ hety ciažki pieryjad. Fanaty zrabili dla śpiavački, jakaja zmahajecca z rakam mozhu, videarolik «Žanna, žyvi! Žanna, tančy!»
Artystka była nastolki kranutaja hetaj padtrymkaj i hetym videa, što padziakavała fanatam, adznačyŭšy, što spadziajecca na chutkuju sustreču.
Zvarot Žanny raźmieščans na jaje aficyjnym sajcie.
Fryskie pakinuła voś takuju padziaku: «Darahija maje, ja chaču skazać dziakuj vam za vašu dabryniu, udzieł, za vaša spačuvańnie i padtrymku, jakija mnie ciapier tak patrebny. Ja atrymała pieśniu, hladzieła i pa ščokach ciakli ślozy, dziakuj vam za vašu viernaść, dziakuj vam za vašu addanaść, dziakuj vam, što vy sa mnoj užo doŭhija hady. Ja vielmi spadziajusia na chutkuju sustreču. Bieražycie siabie i nikoli nie hublajcie vieru! Vaša, Žanna».
Napiaredadni Žannu Fryskie adpuścili dadomu ź lakarni ŭ Łos-Andželesie, kab jana mahła adznačyć dzień naradžeńnia jaje syna Płatona, jakomu 7 krasavika spoŭniŭsia hod. Na śviacie sabralisia samyja blizkija ludzi dla Žany. Prylacieŭ baćka dziciaci i hramadzianski muž śpiavački šoŭmen i televiadučy Dźmitryj Šepieleŭ, a taksama byli jaje baćki i małodšaja siastra Natalla.
U ciapierašni čas Žanna Fryskie lečycca ambułatorna i žyvie ŭ domie svaich blizkich siabroŭ, arenda jakoha kaštuje 10 tysiač dołaraŭ u tydzień.
Raniej baćka Žanny raspavioŭ u presie, što śpiavačka pajšła na papraŭku, trochi skinuła vahu i ŭžo moža samastojna chadzić. Akramia taho, Žanna amal pazbaviłasia ad prablem sa zrokam. Taki efiekt abumoŭleny novaj ekśpierymientalnaj nanavakcynaj. Ciapier Žanna sprabuje adciahnuć uvahu ad dumak pra chvarobu z dapamohaj novych zachapleńniaŭ. Hetak jana zacikaviłasia historyjaj, hladzić na hetuju temu filmy i čytaje knihi, a taksama da jaje viarnuŭsia apietyt. Śpiavačka amal kožny dzień choča śviežych sunicaŭ, ale heta joj pakul nielha.
Pra toje, što heta za vakcyna tak dabratvorna ŭpłyvaje na Žannu, nie paviedamlajecca. Adnak, žurnalisty miarkujuć, što heta, vierahodna, ICT-107, jakaja niadaŭna paśpiachova prajšła kliničnyja vyprabavańni ŭ klinicy Łos-Andželesa. Pałova ŭdzielnikaŭ ekśpierymientu pražyła zvyš piaci hadoŭ paśla vyjaŭleńnia hliabłastomy (taki typ puchliny i ŭ Žanny Fryskie). Heta dobry pakazčyk, pakolki pry inšych vidach lačeńnia chvoryja mohuć praciahnuć krychu bolš za hod z momantu, jak im pastaŭleny dyjahnaz.