Pry napadzie ŭ škole Piensilvanii paranienyja 20 čałaviek VIDEA
Kala dvaccaci navučencaŭ paciarpieli ŭ vyniku napadu nieviadomaha ŭ adnoj sa škoł amierykanskaha štata Piensilvanija na ŭschodzie ZŠA.
Incydent adbyŭsia ŭ navučalnaj ustanovie Franklin Regional High School ŭ pryharadzie Picburha, paviedamlaje BBC. Palicyja ŭžo zatrymała padazravanaha. Pavodle papiaredniaj infarmacyi, im akazaŭsia adzin z vučniaŭ škoły.
Nažavyja ranieńni roznaj stupieni ciažkaści atrymali padletki va ŭzroście 14—17 hadoŭ. Jak minimum vosiem ź ich byi paranienyja ŭ tułava. Dvoje źniachodziacca ŭ ciažkim stanie. Paranienyja dastaŭlenyja ŭ balnicu. Škoła časova začynienaja, jaje budynak ahladajecca palicyjaj.
Na kadrach, pakazanych pa miascovym telebačańni, vidać, jak vučni škoły sabralisia hrupami kala budynku, a pobač ź imi stajać mašyny chutkaj dapamohi.
Jak paviedamlajecca, napadnik mieŭ dva nažy. Jon zatrymany i dapytvajecca.