SBU zajaŭlaje, što vykryła ahientaŭ vajennaj raźviedki Rasii na Chiersonščynie
Ahienturnaja sietka rychtavała akcyi, nakiravanyja na padryŭ abaranazdolnaści Ukrainy.
Jak infarmuje RBK, zatrymany žychar Chiersonskaj vobłaści, były vajskoviec. Pa źviestkach Słužby biaśpieki Ukrainy, jon pa zadańni pradstaŭnika raźviedupraŭleńnia Čarnamorskaha fłotu Rasii pryciahnuŭ hrupu ŭkrainskich hramadzian da zboru infarmacyi vajennaha charaktaru ŭ Chiersonskaj vobłaści. Jašče adnym daručeńniem ad zamiežnych kurataraŭ była padrychtoŭka umoŭ dla dyviersijaŭ u Chiersonskaj vobłaści.
Paviedamlajecca, što hrupa vyśviatlała miescy bazavańnia i pieradysłakacyi, stupień bajavoj hatoŭnaści, kolkaść asabovaha składu, vidy i kolkaść ŭzbrajeńnia i vajennaj techniki čaściej i złučeńniaŭ Uzbrojenych sił Ukrainy.
Asablivaja ŭvaha nadavałasia ciažkoj vajennaj technicy. Kab atrymać takija źviestki, ahienty vyjazdžali na aŭtamabilach u rajony Chiersonščyny, jakija miažujuć z Krymam. Sabranyja ahienturaj źviestki pieradavalisia rasijskamu špijonu z zachavańniem patrabavańniaŭ kanśpiracyi, havorycca ŭ paviedamleńni śpiecsłužby.
Pavodle acenki ekśpiertaŭ SBU, infarmacyja, jakuju źbirali i pieradavali Rasii, maje źviestki, jakija źjaŭlajucca dziaržaŭnaj tajamnicaj, a jaje razhałošvańnie nanosić škodu abaranazdolnaści Ukrainy. Ahientam pahražaje da 15 hadoŭ źniavoleńnia.