Hienprakuratura: My dakazali vinu Janukoviča
Śledčyja raskryli schiemu razhonu Majdanu i zabojstvy udzielnikaŭ akcyj pratestu
Ukrainskija śledčyja orhany ŭžo raskryli schiemu razhonu Majdana i zabojstvy ŭdzielnikaŭ akcyj pratestu, jakimi kiravaŭ eks-prezident Viktar Janukovič.
Pra heta zajaviŭ u Strasburhu v. a. hienprakurora Aleh Machnicki, paviedamlaje Euronews.
Jon raspavioŭ, što śledčyja orhany ŭžo praviali vialiki abjom śledčych dziejańniaŭ, u pryvatnaści, užo jość zatrymanyja.
«Ustanoŭleny asoby, jakija prymali ŭdzieł (u siłavych akcyjach), praciahvajucca taksama śledča-apieratyŭnyja mierapryjemstvy pa zatrymańni ŭsich asob, jakija majuć dačynieńnie da ździajśnieńnia złačynstvaŭ», — raspavioŭ v. a. hienprakurora.
Machnicki śćviardžaje, što raskrytaja schiema kiraŭnictva razhonam Majdana, dzie hałoŭnym byŭ Viktar Janukovič.
«Ustanoŭlenaja nieabchodnaja schiema suviaziaŭ, jak addavalisia zahady. U pryvatnaści, užo dakazanaja vina i byłoha prezidenta Viktara Janukoviča, jaki davaŭ złačynnyja zahady. Svaje złačynnyja zahady jon davaŭ administracyi prezidenta, adpaviednyja pradstaŭniki jakoj taksama abvieščanyja ŭ vyšuk», — raspavioŭ Machnicki.
Jon zajaviŭ, što «raspracoŭvalisia złačynnyja płany zabojstva ludziej, płany niejtralizacyi Majdana, płany stvareńnia roznych vajskovych farmiravańniaŭ, pravaachoŭnych orhanaŭ, a taksama bandfarmiravańniaŭ — tak zvanych citušak i inšych padobnych».
«Paźniej addavalisia zahady adpaviednym siłavym ministram i kiraŭnikam. U tym liku i ministru ŭnutranych spraŭ, Słužbie biaśpieki, inšym kamandziram vajskovych farmiravańniaŭ. I ŭžo adtul tyja zahady davalisia niepasrednym kamandziram tych padraździaleńniaŭ, jakija prymali ŭdzieł u zabojstvie hramadzian», — raspavioŭ Machnicki.
Pavodle jaho słoŭ, užo zatrymanyja niepasrednyja vykanaŭcy złačynstvaŭ, siarod jakich, u pryvatnaści, rabotniki śpiecroty padraździaleńnia «Bierkut», jakim «vydavałasia zbroja — aŭtamatyčnaja, snajpierskaja».
Machnicki zajaviŭ, što va Ukrainie «adbyŭsia novy vitok sieparatyzmu, jaki pierakinuŭsia na ŭschodnija vobłaści».
«My ličym, što heta — praciah krymskaha scenara. Tamu što z boku Rasii ŭ miežach Ukrainy skancentravana i manieŭrujecca vialikaja kolkaść vojskaŭ. Pakul ułady sprabujuć urehulavać kanflikt mirnym šlacham», — raspavioŭ jon.