Google, Facebook i Yahoo zaklikajuć źmianić paroli
Suśvietnyja kampanii, jakija akazvajuć pasłuhi praź internet, zaklikali karystalnikaŭ pamianiać paroli dostupu, paviedamlajuć infarmahienctvy.
Zvarot, ź jakim u liku inšych vystupili hihanty Google, Facebook i Yahoo, źviazany z tym, što ŭ sistemie prahramnaj abarony OpenSSL była vyjaŭlenaja ŭraźlivaść. Dadzieny fakt śviedčyć ab tym, što ŭsie łahiny i paroli, jakija ŭvodziacca na sajtach, ź vialikaj dolaj vierahodnaści mahli być skradzienyja.
Pavodle paviedamleńnia, z pryčyny vyjaŭlenaj pamyłki internet-karystalniki mohuć stracić piersanalnyja dadzienyja i paroli roznych veb-servisaŭ. U pieršuju čarhu heta datyčyć cełaha šerahu bankaŭ, płaciežnych sistem, paštovych servisaŭ.