Parłamient Biełarusi ŭ pieršym čytańni pryniaŭ papraŭki pa pakarańni za niapravilnuju parkoŭku
Biełaruskija deputaty pryniali siońnia ŭ pieršym čytańni papraŭki ŭ šerah zakonaŭ pa pytańniach zabieśpiačeńnia biaśpieki darožnaha ruchu.
Jak adznačyŭ namieśnik ministra ŭnutranych spraŭ Mikałaj Mielčanka, havorka idzie ab parušeńniach praviłaŭ spynieńnia i stajanki transpartnych srodkaŭ, a taksama ich prymusovaj evakuacyi i adbuksoŭki.
U pryvatnaści, prapanujecca zamacavańnie mahčymaści pryciahnieńnia vadzicielaŭ da adkaznaści za parušeńnie praviłaŭ spynieńnia i stajanki transpartnych srodkaŭ na padstavie fiksacyi pravaparušeńnia śpiecyjalnymi techničnymi srodkami, jakija pracujuć u aŭtamatyčnym režymie i majuć funkcyi fota-i kinazdymki, videazapisu, pa anałohii ź pieravyšeńniem ustanoŭlenaj chutkaści. Hetaja miera nakiravanaja na baraćbu z parušalnikami, čyje dziejańni pieraškadžajuć narmalnaj pracy sacyjalnych, kamunalnych, darožnych słužbaŭ, parušajuć pravy i zakonnyja intaresy hramadzian.
U zakonaprajekcie značnaja ŭvaha nadajecca kompleksnamu ŭrehulavańniu prymusovaj adbuksoŭki (evakuacyi) transpartnych srodkaŭ, ich adbuksoŭki biez pamiaščeńnia na achoŭnuju stajanku.
Akramia taho, u dakumiencie asobna zamacavanyja normy ab administracyjnaj adkaznaści za pieravyšeńnie asobaj, jakaja kiravała transpartnym srodkam, ŭstanoŭlenaj chutkaści ruchu, zafiksavanaj śpiecyjalnymi techničnymi srodkami, jakija pracujuć u aŭtamatyčnym režymie i majuć funkcyi fota-i kinazdymki, videazapisu. Pry hetym praduhledžana dakładnaje ŭkazańnie pamieru sankcyj za takija pravaparušeńni.
U zakonaprajekcie znajšli adlustravańnie pytańni ŭzmacnieńnia adkaznaści za kiravańnie transpartnymi srodkami, jakija nie prajšli dziaržaŭny techahlad.