Mytny sajuz pierachodzić na «Ałtyn»
U abarot krain-udzielnic Mytnaha sajuza ŭvojdzie novaja valuta - Ałtyn. Stvaryć jaje płanavałasia da 2025 hoda, ale, jak pieradaje telekanał Life News, uviadzieńnie mižnarodnych ekanamičnych sankcyj suprać Rasiei krainami Zachadu i ZŠA moža istotna paskoryć hety praces, skaraciŭšy jaho da 3-5 hadoŭ.
U traŭni kiraŭniki Rasiei, Kazachstana i Biełarusi padpišuć damovu ab stvareńni z 2015 hoda Jeŭrazijskaha ekanamičnaha sajuza (JEAES), jaki stanie svojeasablivym adkazam Jeŭraźviazu. Da novaj finansava-ekanamičnaj prastory moža dałučycca Kyrhyzstan, Armienija i Tadžykistan.
Ideju ab stvareńni adzinaj valuty, inicyjataram jakoj staŭ prezident Kazachstana Nursułtan Nazarbajeŭ, u 2012 hodzie padtrymaŭ rasijski lidar Uładzimir Pucin.
U prajekcie sajuza miarkujecca i stvareńnie nadnacyjanalnaha mieharehulatara adzinaj valuty - Jeŭrazijskaha centrabanka, jaki budzie žorstka padparadkoŭvacca savietu z prezidentaŭ abo premjeraŭ dziaržaŭ JEAES.