Kala miažy ź Biełaruśsiu na terytoryi Ukrainy źjavilisia akopy FOTA
Žurnalist haziety «Brescki kurjer» Ihar Nabojčanka zrabiŭ fotazdymak śviežych akopaŭ na miažy Biełarusi i Ukrainy.
Voś što jon raspavioŭ.
Viartajučysia ŭ niadzielu z Ukrainy, na vyjeździe z pamiežnaha pierachodu Novyja Jaryłavičy (Čarnihaŭskaja vobłaść) u bok biełaruskaj miažy źviarnuŭ uvahu na toje, čaho zusim niadaŭna nie było.
Pa abodva baki darohi źjavilisia śviežyja ahniavyja kropki, abkładzienyja miaškami ź piaskom i zamaskiravanyja chvajovymi halinkami. Siektary abstrełu — u biełaruskim kirunku. Adnak prykmietna, što ŭmacavańni zroblenyja nie dla vajennych dziejańniaŭ, a chutčej u metach vykanańnia zahadu.
Ukrainskija pamiežniki ŭzbrojenyja pistaletami i aŭtamatami, u toj čas jak na sumiežnym biełaruskim pierachodzie Novaja Huta našyja vartavyja pamiežniki niasuć słužbu biez zbroi. A ŭ astatnim usio pa-raniejšamu, pa-dobrasusiedsku.