Vyniesieny prysud pa spravie ab zabojstvie člena CVK Chinievič
Narkazaležnamu zabojcy dali 20 hadoŭ
Minharsud vynies prysud fihurantu spravy ab zabojstvie načalnika adździeła kadraŭ AAT «Kryštal» Śviatłany Chinievič, jakaja adnačasova źjaŭlałasia členam Centralnaj kamisii Respubliki Biełaruś pa vybarach i praviadzieńni respublikanskich refierendumaŭ. Zabojcu pakarali 20-ciu hadami pazbaŭleńnia voli z adbyvańniem pakarańnia ŭ papraŭčaj kałonii va ŭmovach ŭzmocnienaha režymu.
Miančuk 1978 hoda naradžeńnia pryznany vinavatym u naŭmysnym pazbaŭleńni žyćcia, ździejśnienaje z asablivaj žorstkaściu (p.6 č.2 art.139 KK), u tym, što jon zahadzia pastaviŭ inšaha čałavieka ŭ niebiaśpieku zaražeńnia virusam imunadeficytu čałavieka (č.1 st.157 KK), a taksama ŭ nabyćci i zachoŭvańni psichatropnych rečyvaŭ biez mety zbytu (č.1 art.328 KK).
U adpaviednaści z art.107 KK vyrašana ŭžyć u dačynieńni da hetaha čałavieka prymusovyja miery biaśpieki i lačeńnia ad narkamanii. Taksama sud pastanaviŭ spahnać ź jaho Br14 młn raschodaŭ pa akazańni jurydyčnaj dapamohi i Br70 młn hrašovaj kampiensacyi maralnaj škody. Prysud moža być abskardžany i apratestavany ŭ kasacyjnym paradku ŭ Viarchoŭnym sudzie.
Śviatłanu Chinievič znajšli pa miescy žycharstva ŭ žniŭni 2013 z množnymi kołata-rezanymi ranieńniami. U Śledčym kamitecie zajavili, što zabojstva nie źviazanaje z prafiesijnaj i hramadskaj dziejnaściu paciarpiełaj i nosić bytavy charaktar. Nieŭzabavie byŭ ustanoŭleny padazravany ŭ ździajśnieńni złačynstva: jon pražyvaŭ u adnym padjeździe z zahinułaj, raniej sudzimy nie byŭ, źjaŭlajecca narkazaležnym. Jaho znajšli ŭ nieśviadomym stanie z množnymi rezanymi ranami, vostraj strataj kryvi. Jon byŭ špitalizavany.
Paśla taho jak hety čałaviek pryjšoŭ u siabie, u prysutnaści advakata ź im byli pačaty praduhledžanyja zakonam śledčyja dziejańni. Dziejańni abvinavačanaha byli kvalifikavanyja jak zabojstva, ździejśnienaje z asablivaj žorstkaściu, z chulihanskich pamknieńniaŭ — p.p.6, 13 č.2 art.139 KK. Akramia taho, u chodzie rasśledavańnia atrymanyja dokazy dla pradjaŭleńnia aryštavanamu taksama abvinavačvańni ŭ niezakonnym biez mety zbytu nabyćci, zachoŭvańni, pieravozcy psichatropnych rečyvaŭ, heta značyć ździajśnieńni złačynstva, praduhledžanaha č.1 art.328 KK.