U Niamieččynie u prodažy źjavilisia kubki z partretami Hitlera
Nr2ru.com
Niamieckaja handlovaja sietka Zurbrueggen pa pamyłcy vystaviła na prodaž kubki kitajskaj vytvorčaści z vyjavaj Adolfa Hitlera.
«Heta žudasna, heta idyjocki źbieh niaŭdałych abstavinaŭ», — drukavanaje vydańnie Neue Westfälische cytuje ŭładalnika handlovaj sietki Kryścijana Curbriuhiena. Jon užo prynios pakupnikam prabačeńni.
Malunak na kubku ŭ vyšejšaj stupieni supiarečlivy, asabliva dla Niamieččyny, dzie vykarystańnie nacysckaj simvoliki zabaroniena zakonam. Siarod ružačak i radkoŭ vierša na anhlijskaj movie na biełym fonie niaŭdały dyzajnier źmiaściŭ vyjavu paštovaj marki naminałam u 30 pfienihaŭ z partretam Hitlera ŭ profil. Zaviaršaje kałaž paštovy štempiel sa svastykaj.
Usia partyja — kala 5 tys. adzinak — užo źniataja z prodažu. 175 kubkaŭ, adnak, užo paśpieli kupić. Ich uładalnikam prapanujecca viarnuć pakupki ŭ kramu, naŭzamien jany atrymajuć siertyfikat na 20 jeŭra, na jaki zmohuć nabyć niešta inšaje.
Jak patłumačyŭ kamiersant, kubki krama zamoviła ŭ Kitai. Vidavočna, dyzajnier nie viedaŭ, čyj partret źmiaščaje na kubak.
«Padčas razhruzki i sartavańnia nichto nie zaŭvažyŭ hetaj prablemy», — rastłumačyŭ ŭładalnik kramy.