Kala Kramatorska zabłakavali 15 ŭkrainskich bajavych mašyn
U Krasnatorcy (pasiołak, padparadkavany Kramatorsku) miascovyja žychary zabłakavali kala 15 ukrainskich bajavych mašyn desanta.
Padziei adbyvajucca ŭ rajonie čyhunačnaha pierajezdu «Pčołkina». Vajennyja adhaniajuć miascovych žycharoŭ, kidajučy ŭzryŭpakiety, paviedamlaje LB.ua.
Nad miescam padziej lotaje ŭkrainski vajenny viertalot, a taksama źniščalniki, apuskajucca na vyšyniu 100 m.
Raniej paviedamlałasia, što kala Kramatorska 6 bajavych desantnych mašyn byli zachoplenyja rasijskimi vajennymi pad prykryćciom miascovych žycharoŭ. Technika sa ściahami Rasii pieramiaściłasia ŭ Słaviansk.
Paźniej nardep Siarhiej Sobaleŭ zajaviŭ, što ŭkrainskija vajskoŭcy zajechali ŭ Kramatorsk Danieckaj vobłaści na BTRach z rasiejskimi ściahami, kab «partyzanskim sposabam patrapić u horad».