Baskietbalisty «Cmoki—Minsk» i «Hrodna-93» ŭ kroku ad finała čempijanata Biełarusi
Startavyja paŭfinalnyja matčy čempijanatu Biełarusi pa baskietbole siarod mužčynskich kamand zaviaršylisia bujnymi pieramohami favarytaŭ.
U staličnym kłubnym derbi baskietbalisty asnoŭnaha składu «Cmoki—Minsk « dvojčy biez prablem upraviŭsia sa svaimi reziervistami - 112:73 i 112:54. Jašče adzin biezumoŭny favaryt nacyjanalnaha pieršynstva «Hrodna -93 « na svajoj placoŭcy razhramiŭ haściej z homielskaha « Soža - HDU « - 100:71 i 83:65.
Takim čynam, kab vyjści ŭ finał abodvum hałoŭnym pretendentam na zołata zastałosia atrymać pa adnoj pieramozie. Nastupnyja paŭfinalnyja matčy adbuducca 24 krasavika ŭ Minsku i 25 krasavika ŭ Homieli. Paŭfinalnyja sieryi doŭžacca da troch viktoryj adnoj z kamand.
Na žanočym baskietbolnym čempijanacie ŭžo vyznačyŭsia pieršy ŭdzielnik finalnaj sieryi za zołata. Baskietbalistki minskaha «Haryzonta», jak i čakałasia, trojčy zapar pierajhrali sapiernic z homielskaha «Soža - HDU» i ciapier čakajuć svajho apanienta. Jon vyznačycca 22 krasavika ŭ Hrodnie, dzie dziejsnyja čempijonki krainy baskietbalistki « Alimpii» prymuć «Cmoki—Minsk». Ich supraćstajańnie prachodzić u vielmi ŭpartaj baraćbie — kamandy pa dva razy adoleli adzin adnaho i tamu pieramožca vyjavicca tolki ŭ piatym paŭfinalnym pajadynku.