Papa Francysk na Vialikadzień maliŭsia za mir va Ukrainie
Papa Francysk pavinšavaŭ uvieś chryścijanski śviet ź Vialikadniem i pamaliŭsia za prymireńnie va Ukrainie, paviedamlajuć infarmahienctvy.
U svaim tradycyjnym vielikodnym zvarocie «Horadu i śvietu» na płoščy Śviatoha Piatra ŭ Vatykanie, pierad niekalkimi dziesiatkami tysiač viernikaŭ Papa pamaliŭsia «za pośpiech inicyjatyŭ prymireńnia va Ukrainie, kab usie zacikaŭlenyja baki, pry padtrymcy mižnarodnaj supolnaści, zrabili ŭsio mahčymaje dla niedapuščeńnia hvałtu i ŭstanaŭleńnia dyjałohu na karyść budučaha hetaj krainy».
Francysk taksama pryhadaŭ pra ŭsich, chto pakutuje ad chvarob — u Hviniei, Śjera-Leone, Libieryi, uźnios malitvu za mir u Iraku i na Blizkim Uschodzie, pamiž Palestynaj i Izrailem. Jon zaklikaŭ da spynieńnia krovapralitnych sutyknieńniaŭ u Nihieryi, Paŭdniovym Sudanie i Centralnaafrykanskaj respublicy. Kiraŭnik Rymska-katalickaj carkvy vykazaŭ nadzieju na ŭrehulavańnie situacyi ŭ Siryi, nasielnictva jakoj maje patrebu ŭ humanitarnaj dapamozie. «Hospadzie usiemahutny, dapamažy spynić ŭsie vojny, pahasić jak staruju varožaść, tak i sučasnyja kanflikty», - skazaŭ Papa.