Vielikodnaje jajka ŭ niebie. Redkaja atmaśfiernaja źjava nad paŭnočnaj Biełaruśsiu FOTAFAKT
Na Vialikdzień žychary miastečka Parafjanava (Dokšycki rajon, Viciebskaja vobłaść) pabačyli cikavuju źjavu na niebie. Vakoł sonca, jakoje zachodziła, utvaryŭsia nimb śviatła, jaki formaj nahadvaŭ kurynaje jajka.
Nimb atačali dva eliptyčnyja koły – bolš vyraznaje ružovaje i ledź bačnaje aranžavaje.
Jajka na niebie možna było bačyć na praciahu dvaccaci chvilinaŭ – z 19:45 da 20:10.
Hetaja atmaśfiernaja źjava viadomaja navukoŭcam jak hało. Vyjavy na niebie ŭtvarajucca dziakujučy adlustravańniu i pierałamleńniu soniečnaha śviatła praz kryštaliki ldu na vyšyni 5-10 kiłamietraŭ.
Cikava, što hało nad Parafjanavam źjaviłasia ŭ dzień, kali chryścijanie ŭsich kanfiesij śviatkujuć Uvaskrasieńnie Chrystova. Vielikodnaje jajka – adzin ź simvałaŭ hetaha śviata.