Rasijskija «Hazprombank» i «Źniešekanombank», jakija majuć «dačok» u Biełarusi, rychtujucca da sankcyj
Kiraŭnictva «Hazprombanka» rychtujecca da mahčymych sankcyj z boku ZŠA. Pra heta paviedamlaje Bloomberg sa spasyłkaj na dvuch čałaviek, blizkich da razhladu pytańnia.
Pry hetym ahienctva cytuje jašče i nienazvanaha amierykanskaha čynoŭnika: «Hazprombank» [u Biełarusi — Biełhazprombank] źjaŭlajecca imaviernaj metaj dla sankcyj». Taksama da sankcyj, pavodle źviestak ahienctva, rychtujecca i «Źniešekanambank» (u Biełarusi — BiełVEB). Hetuju infarmacyju im paćvierdzła krynica, «znajomaja ź pieramovami pa situacyi». «Pradstaŭniki «Hazprombanka» i VEBa kamientavać infarmacyju admovilisia», — pieradaje ahienctva.
Mahčymyja sankcyi suprać ustanoŭ źviazany z kryzisam va Ukrainie.
Jak vynikaje sa spravazdačnaści «Hazprombanka» na 1 krasavika, bank raźmiaściŭ na valutnym karespandenckim rachunku ŭ CB 248 młrd rasijskich rubloŭ, choć na 1 sakavika na hetym rachunku jon nie trymaŭ ničoha. Pry hetym jon skaraciŭ prykładna na 200 młrd ras. rubloŭ abjom srodkaŭ, raźmieščanych na terminovych depazitach u bankach-nierezidentaŭ (na roznyja terminy, ad 2 dzion da 6 miesiacaŭ), i prykładna na 60 młrd rubloŭ abjom srodkaŭ na karespandenckich rachunkach u bankach-nierezidentaŭ.
«Hazprombank» prajaviŭ aściarožnaść va ŭmovach ŭzrosłych hieapalityčnych ryzyk», — ličyć hałoŭny ekanamist «Reniesans Kapitału» Aleh Kuźmin.
Valutnyja karespandenckija rachunki ŭ Banku Rasii aktyŭna vykarystoŭvalisia kredytnymi arhanizacyjami ŭ pieryjad vostraj fazy finansavaha kryzisu — sa śniežnia 2008 hoda pa vierasień 2009 hoda. Tady rešty na ich dasiahali 35 młrd. dalaraŭ. Z tych časoŭ banki nie karystalisia aktyŭna valutnymi karespandenckimi rachunkami ŭ CB. Adnak, u pačatku hetaha hoda hety instrumient znoŭ pačaŭ vykarystoŭvacca.
Taksama 18 krasavika RBK paviedamlaŭ, što fundatary «Hazprombanka» vyrašyli pieravieści svaje hrošy na rachunki daviernaha kiravańnia.
Zhodna sa spravazdačnaj advarotnym viedamaści, z hetaha banka klijenty zabrali 22,7 młrd ras. rubloŭ. Pryčym 80% svaich układaŭ, abo 16,5 młrd ras. rubloŭ zabrali zamiežniki. U banku pahadzilisia z padlikam RBK, ale nazvali heta nie adtokam, a pieravodam srodkaŭ unutry hrupy.
«U sakaviku niekatoryja VIP-klijenty vyrašyli pieravieści častku svaich depazitaŭ na rachunki daviernaha kiravańnia, taksama adkrytyja ŭ HPB. Abjom klijenckich srodkaŭ, jakija znachodziacca ŭ banku, nie źmianiŭsia. U krasaviku hetyja klijenty prymali dalejšyja rašeńni pa kiravańni svaimi srodkami, i my možam ubačyć pavieličeńnie rešty, raźmieščanych u depazitach», — skazała člen praŭleńnia «Hazprombanka» Kaciaryna Trafimava.