Nacbank uvioŭ zabaronu na vydaču kredytaŭ biez daviedak ab dachodach
Nacyjanalny bank Biełarusi ŭvioŭ zabaronu na vydaču kredytaŭ biez daviedak ab dachodach. Adpaviednaje rašeńnie źmiaščajecca ŭ pastanovie praŭleńnia Nacbanka ad 18 krasavika №253.
Dakumientam ustanoŭlena, što acenka bankam kredytazdolnaści fizasoby budzie ažyćciaŭlacca pry najaŭnaści dakumienta, jaki paćviardžaje atrymańnie dachodu.
Heta nieabchodna dla pryniaćcia bankam rašeńnia ab pradastaŭleńni fizičnaj asobie kredytu, a taksama ab zaklučeńni damovy finansavańnia pad ustupku hrašovaha patrabavańnia (faktorynh) ź jurydyčnaj asobaj abo indyvidualnym pradprymalnikam, jakija ažyćciaŭlajuć roźničny handal, pavodle hrašovaha abaviazacielstva fizasoby.
Takimi dakumientami moža być daviedka ab pamiery zarabotnaj płaty (hrašovaha zabieśpiačeńnia); daviedka ab pamiery atrymanaj piensii; daviedka ab pradastaŭleńni dziaržaŭnaj adrasnaj sacyjalnaj dapamohi; daviedka ab pamiery štomiesiačnaha hrašovaha zabieśpiačeńnia; daviedka ab dachodach, vyličanych i ŭtrymanych sumach padachodnaha padatku ź fizičnych asob; inšyja dakumienty jakija paćviardžajuć atrymańnie dachodu, vydača jakich praduhledžana ŭkazam №200 ad 26 krasavika 2010 hoda.
Pastanova ŭstupaje ŭ siłu paśla jaho aficyjnaha apublikavańnia i dziejničaje da 1 maja 2017 hoda.