Minskaja DAI pierachodzić na ŭzmocnieny varyjant niasieńnia słužby
25 krasavika, napiaredadni čempijanatu śvietu pa chakiei, supracoŭniki minskaj Dziaržaŭtainśpiekcyi pierachodziać na ŭzmocnieny varyjant niasieńnia słužby.
Jak paviedamili va ŭpraŭleńni DAI HUUS Minharvykankama, na dapamohu inśpiektaram haradskoj Dziaržaŭtainśpiekcyi prybuduć kalehi ź inšych rehijonaŭ krainy, jakija taksama buduć arhanizoŭvać biaśpieku darožnaha ruchu.
Prahnazujecca, što vialikaja nahruzka ŭ chodzie praviadzieńnia suśvietnaha pieršynstva laža na dziažurnuju čaść, raźmieščanuju ŭ budynku haradskoha ŭpraŭleńnia DAI na praśpiekcie Dziaržynskaha. Tut na čas čempijanatu pracoŭnyja miescy buduć pradastaŭleny vałancioram, jakija vałodajuć zamiežnymi movami. Bo siarod udzielnikaŭ darožnaha ruchu čakajecca šmat zamiežnych haściej, ź jakimi ŭ vypadku nieabchodnaści zapatrabujecca razmaŭlać na ich rodnaj movie.
«I supracoŭniki DAI niakiepska padrychtavalisia da sustrečy haściej. Dla ich u kožnym rajonie svoječasova byli arhanizavany śpiecyjalnyja kursy pa vyvučeńni anhlijskaj movy. Tak što prablem sa znosinami z pryjezdžymi nie budzie», — havorycca ŭ paviedamleńni UDAI HUUS.