Valutnaja vyručka Biełarusi ŭ pieršym kvartale źniziłasia na $716,1 młn
U studzieni—sakaviku 2014 hoda valutnaja vyručka Biełarusi skłała 10,24 młrd. dołaraŭ i źniziłasia ŭ paraŭnańni z anałahičnym pieryjadam 2013-ha na 716,1 młn. dołaraŭ (na 6,5%).Jak śviedčać źviestki Nacyjanalnaha banka, skaračeńnie valutnaj vyručki adbyłosia ŭ vyniku pamianšeńnia biełaruskaha ekspartu tavaraŭ. Tak, u studzieni—sakaviku vyručka ad ekspartu tavaraŭ skłała 8,33 młrd. dołaraŭ i źniziłasia ŭ paraŭnańni z anałahičnym pieryjadam minułaha hoda na 845,7 młn. dołaraŭ (na 9,2%).
U 2013 hodzie ŭ vyniku pamianšeńnia abjomaŭ biełaruskaha ekspartu tavaraŭ valutnaja vyručka Biełarusi źniziłasia na 6,6 młrd. dołaraŭ u paraŭnańni z 2012 hodam. Jak adznačajuć ekśpierty, źnižeńnie valutnych pastupleńniaŭ viadzie da skaračeńnia prapanovy zamiežnaj valuty na ŭnutranym rynku, što, u svaju čarhu, akazvaje dadatkovy nacisk na kurs biełaruskaha rubla.