Dziarždep ZŠA: Luboje ŭviadzieńnie vojskaŭ [Rasijaj] na terytoryju Ukrainy budzie surjoznaj pamyłkaj
«My pilna nazirajem za tym, što adbyvajecca va Ukrainie, i zaniepakojenyja pieramiaščeńniem rasijskich vajskoŭcaŭ na miažy z Ukrainaj. My zaniepakojenyja znachodžańniem dziasiatkaŭ tysiač rasijskich sałdat, jakija vyčekvajuć u pahroźlivaj pazicyi», — zajaviła pres-sakratar Dziardepa ZŠA Džen Psaki.
Adnosna pierasiačeńnia ŭkrainska-rasijskaj miažy tryma rasijskimi viertalotami, pres - sakratar dziaržaŭnaha departamienta skazała nastupnaje: «Ja nie mahu paćvierdzić fakt pierasiačeńnia, ale mahu skazać: luboje ŭviadzieńnie vojskaŭ na terytoryju Ukrainy budzie surjoznaj pamyłkaj», pieradaje Hołas Amieryki.
«My bačyli paviedamleńni ab vyzvaleńni amierykanskaha reparciora (Sajmana Astroŭskaha) pablizu Słavianska. My vitajem jaho vyzvaleńnie. My viedajem, što ŭ zakładnikach znachodziacca inšyja žurnalisty, i my zaklikajem Rasiju pradpryniać svoj upłyŭ, kab jany byli vyzvalenyja nieadkładna», — prakamientavała Džen Psaki vyzvaleńnie Sajmana Astroŭskaha.
«Zajavy Łaŭrova adnosna taho, što Rasija robić bolš dla stabilizacyi va Ukrainie — vielmi śmiešnyja», — adznačyła pres-sakratar.