Źmitra Daškieviča pasadzili na 25 sutak
Byłoha palitviaźnia Źmitra Daškieviča pakarali na 15 i 10 sutak pavodle dvuch pratakołaŭ pra parušeńnie praviłaŭ nahladu i pra niepadparadkavańnie milicyi.
2 sakavika Źmicier Daškievič byŭ asudžany na 12 sutak, fota Kiryły Chilko.
Na sudzie Daškievič pryznaŭ, što spaźniŭsia damoŭ, bo zatrymaŭsia na pracy. Adnak jon nazvaŭ chłuśnioj zajavy milicyjantaŭ pra niepadparadkavańnie.
«Niama što kamientavać, niejki absurd. Źviazana z mahčymaj aktyŭnaściu Maładoha frontu pierad Čarnobylskim šlacham i Čempijanatam śvietu pa chakiei», — zajaviŭ Daškievič paśla taho, jak sudździa Jury Harbatoŭski abvieściŭ svajo rašeńnie.
Daškieviču zabaroniena pakidać miesca žycharstva z 20 da 6 hadzin.
Byłoha palitviaźnia zatrymali viečaram 24 krasavika, kali jon viartaŭsia dachaty.
Previentyŭny nahlad nad Źmitrom Daškievičam pavinien skončycca 28 maja.
28 žniŭnia 2013 hoda Źmicier Daškievič vyjšaŭ na volu z haradzienskaj turmy № 1 paśla amal trochhadovaha źniavoleńnia. Jaho aryštavali napiaredadni apošnich prezidenckich vybaraŭ, 18 śniežnia 2010 hoda, i asudzili na dva hady spačatku za «asabliva złosnaje chulihanstva», a paśla — za «złosnaje niepadparadkavańnie patrabavańniam administracyi papraŭčaj ustanovy».