U noč na subotu — zamarazki, u niadzielu i paniadziełak — navalnicy
U bližejšyja sutki, 26 krasavika, budzie pieravažna biez apadkaŭ, tolki ŭ druhoj pałovie dnia pa zachadzie Bresckaj vobłaści, mahčymyja nievialikija daždžy. Viecier paŭdniova-ŭschodni słaby da ŭmieranaha. Tempieratura pavietra minimalnaja nočču składzie +1.. +7°C, pa zachadzie krainie ciaplej —da +10°C,
miescami pa Viciebskaj, Mahiloŭskaj i Homielskaj abłaściach čakajucca zamarazki 0.. -3°C;
dzionnyja maksimumy buduć vahacca ad +15°C pa paŭnočnym uschodzie da +21°C pa paŭdniovym zachadzie krainy. Atmaśfierny cisk budzie słaba padać.
U nastupnyja dvoje sutak 27—28 krasavika (niadziela, paniadziełak) ŭmovy nadvorja našaj krainy budzie vyznačać atmaśfierny front, jaki pieramiaščajecca z Zachodniaj Jeŭropy na terytoryju Biełarusi. 27 krasavika nočču pa paŭdniovym zachadzie, dniom i ŭ centralnych rajonach krainy projduć karotkačasovyja daždžy, miescami prahrymiać navalnicy. Tempieratura pavietra ŭnačy panizicca da +3.. +10°C,
u dzionnyja hadziny +12.. +18°C, pa paŭdniova-ŭschodniaj pałovie pavietra prahrejecca da +19.. +23°C.
28 krasavika nočču na bolšaj častcy terytoryi, dniom miescami pa krainie projduć karotkačasovyja daždžy. U asobnych rajonach — navalnicy.
Tempieratura pavietra praciahnie pavyšacca.
Načnyja minimumy składuć +5.. +12°C, dniom užo +14.. +20°C, pa paŭdniovym uschodzie Biełarusi +21.. +24°C.