Fiestyval «Travień»: Kasia Kamockaja, HandMade, «Ludzi na bałocie»
Hurty Re1ikt, «Ludzi na bałocie», HandMade, prajekt Naka piano i śpiavački Taciana Biełanohaja i Kasia Kamockaja stanuć haściami pieršaha akustyčnaha fiestyvalu «Travień».
Fiestyval projdzie 18 traŭnia na placoŭcy minskaha kłuba «Mulen Ruž» (Kalvaryjskaja, 1). U im voźmuć udzieł samyja cikavyja biełaruskija kamandy i vykanaŭcy, jakija pracujuć u płyni akustyčnaj muzyki. Zajaŭleny vystup šaści vykanaŭcaŭ. I kožny ź ich rychtuje admietny set. Najlepšy biełaruski hurt-2013 pa viersii partału Tuzin.fm Re1ikt prademanstruje svajo novaje hučańnie z duchavymi instrumientami, Naka piano syhraje pad akampanimient pianina novyja biełaruskija tvory, poŭnym składam pakaža svaju abnoŭlenuju prahramu hurt Handmade, Taciana Biełanohaja pradstavić nizku piesień na słovy Jaŭhienii Janiščyc, a «Ludzi na bałocie» na vieršy Danuty Bičel, svaje najlepšyja pieśni za 25 hod, a taksama niekalki novych zajhraje pieršaja biełaruskaja rok-kniazioŭna Kasia Kamockaja.
Viadučy – Aleh Chamienka. Pačatak a 17.00.
«Travień» maje stać tradycyjnym i prachodzić dvojčy na hod. Ideja fiestyvalu akustyčnaj muzyki ŭžo vyklikała vialiki vodhuk u biełaruskich muzykaŭ, tamu vyrašana abvieścić adbor na druhi fest, jaki projdzie ŭžo hetaj vosieńniu. Da 18 traŭnia muzyki, jakija pracujuć u farmacie unplugged, mohuć padavać zajavy na ŭdzieł u adboračnych kancertach, jakija buduć prachodzić cełaje leta. Padrabiaznaści pra ŭmovy – tut.
Aŭdyjo, videa, kamientary ŭdzielnikaŭ fiestyvala «Travień» – pa hetaj spasyłcy.
Kvitki – 120 000 – 170 000 rub. (tancplac na cajcie Kvitki.by i ŭ kłubie «Hrafici»; stoliki – tolki ŭ kłubie «Hrafici»).