Turčynaŭ daručyŭ siłavikam achoŭvać žurnalistaŭ
V.a. prezidenta Ukrainy Alaksandr Turčynaŭ daručyŭ Słužbie biaśpieki krainy (SBU) i MUS harantavać biaśpieku žurnalistaŭ. Pra heta havorycca ŭ paviedamleńni na sajcie v.a. prezidenta.
«V.a. prezidenta Ukrainy, staršynia Viarchoŭnaj rady Alaksandr Turčynaŭ daručyŭ Słužbie biaśpieki Ukrainy i ministerstvu ŭnutranych spraŭ harantavać biaśpieku žurnalistaŭ i bieśpierabojnuju tranślacyju ŭkrainskich telekanałaŭ padčas praviadzieńnia antyterarystyčnaj apieracyi va ŭschodnich rehijonach Ukrainy», — adznačajecca ŭ paviedamleńni.
Adnačasova z hetym Turčynaŭ daručyŭ MUS i Dziaržkamitetu pa telebačańni i radyjoviaščańni «pryniać miery pa bieśpierabojnaj tranślacyi nacyjanalnaha aŭdyjovizualnaha praduktu ŭ paŭdniova-ŭschodnich rehijonach Ukrainy», dzie zaraz prachodzić siłavaja śpiecapieracyja suprać pradstaŭnikoŭ narodnaha apałčeńnia.