U Litvu prybyli amierykanskija vajskoŭcy z usioj nieabchodnaj technikaj i ŭzbrajeńniem
lrytas.lt
26 krasavika na Avijacyjnuju bazu Litoŭskich VPS u Šaŭlai prybyli kala 150 amierykanskich vajskoŭcaŭ — rota desantnikaŭ 173-j bryhady suchaputnych vojskaŭ ZŠA z usioj nieabchodnaj technikaj i ŭzbrajeńniem.
Vajskoŭcy ZŠA buduć dysłakavanyja ŭ Rukli i z maja prymuć udzieł u vučeńniach pa vajennaj padrychtoŭcy litoŭskich vajskoŭcaŭ.
Jany buduć znachodzicca ŭ Litvie da kanca hetaha hoda. Litva pradastavić im usiu nieabchodnuju dapamohu: pražyvańnie, charčavańnie, łahistyku i inš
U cyrymonii pryvitańnia amierykanskich vajennych prymaje ŭdzieł prezident Litvy Dala Hrybaŭskajcie, ministr abarony Juozas Alekas, ambasadar ZŠA ŭ Litvie Debora A. Makarci, namieśnik kamandujučaha piachotnych sił ZŠA ŭ Jeŭropie hienierał-major Ryčard K. Łonha.
Na cyrymonii pryvitańnia amierykanskich vajskoŭcaŭ prezident Hrybaŭskajcie padkreśliła, što prybyćcio amierykanskich vajskoŭcaŭ pakazała, što svaboda i biaśpieka Litvy važnyja dla partnioraŭ, kraina nie adna «pierad tvaram niepradkazalnaha susieda».
«Heta vielmi važny dzień dla Litvy. Pierad tvaram niebiaśpieki my bačym, chto našy sapraŭdnyja siabry. Prysutnaść amierykanskich vajskoŭcaŭ u Litvie umacoŭvaje našu biaśpieku.
… Usio, u čym siońnia maje patrebu Litva — kryjecca ŭ vašym devizie, devizie piachoty — «Adzinstva — siła, my vierym u pieramohu!» — skazała prezident.