Čarhovaja karupcyjnaja sprava: vyzvalaŭ ad apłaty za elektraenierhiju
Rasśledujecca kryminalnaja sprava suprać słužbovaj asoby fiłajała «Enierhazbyt» RUP «Minskenierha», a taksama kiraŭnikoŭ adnaho z pradpryjemstvaŭ Minskaha rajona.
«Ustanoŭlena, što rabotnik filijała nieadnarazova atrymaŭ chabar za vyrašeńnie pytańniaŭ, źviazanych z vyzvaleńniem pradpryjemstva ad abaviazalnictvaŭ pa apłacie ŭ poŭnym pamiery faktyčnaj spažytaj elektraenierhii. Pradstaŭniki pradpryjemstva byli zatrymanyja supracoŭnikami KDB pry pieradačy majstru «Enierhazbytu» čarhovaj častki chabaru ŭ 5000 dalaraŭ»,
— paviedamiła pradstaŭnik upraŭleńnia Śledčaha kamiteta pa Minskaj vobłaści Taćciana Biełanoh.
Dvaich čałaviek abvinavacili ŭ dačy chabaru, jany zatrymanyja. Majstar «Enierhazbytu» znachodzicca ŭ statusie padazravanaha.