Biełaruski słavianski kamitet zaklikaje ŭłady Biełarusi paśla pieramohi Kančyty Vurst admovicca ad udziełu ŭ «Jeŭrabačańni»
Prezidyum Biełaruskaha słavianskaha kamiteta zaklikaje biełaruskija ŭłady spynić dalejšy ŭdzieł pradstaŭnikoŭ krainy ŭ muzyčnym konkursie Jeŭrabačańnie», a Biełteleradyjokampaniju admovicca ad zakupki pravoŭ na jaho tranślacyju.
«Pieramoha Kančyta Vurst na Jeŭrabačańni simvalizuje saboj kančatkovaje padzieńnie maralnych kaštoŭnaściej u Jeŭrapiejskim sajuzie. Takaja Jeŭropa nam nie patrebna! Kančyta — heta prykład taho, da čaho pryvodzić adnabokaja traktoŭka vyznačeńnia svabody, libieralnaja ideałohija i adsutnaść duchoŭnaści ŭ kirujučych elitaŭ», — havorycca ŭ zvarocie hramadskaha abjadnańnia, raspaŭsiudžanym u aŭtorak.
Na dumku členaŭ prezidyuma BSK, «hety konkurs užo daŭno staŭ palityzavanym». «Pieramahčy ŭ im va ŭmovach palityčnaj błakady z boku jeŭrapiejskich čynoŭnikaŭ nie ŭjaŭlajecca mahčymym, tym bolš, kali našy vykanaŭcy śpiavajuć na zamiežnaj movie i nie pradstaŭlajuć nacyjanalnuju kulturu», — padkreślivajecca ŭ zvarocie.
U Biełaruskim słavianskim kamitecie nahadvajuć, što šerah jeŭrapiejskich krain admovilisia prymać udzieł u konkursie, hetamu prykładu pavinna paśledavać i Biełaruś. «My ličym, što va ŭmovach ekanamičnaj niestabilnaści tracicca na takija rečy niemetazhodna. Zekanomlenyja srodki nieabchodna puścić na raźvićcio ajčynnaj kultury i movy», adznačajecca ŭ zvarocie.
Biełaruski słavianski kamitet taksama ličyć niedapuščalnym praviadzieńnie kancertaŭ Kančyta Vurst na terytoryi Biełarusi.