Kaŭkazcy zachapili hruzaviki Roshen pad Danieckam
U Daniecku adbyŭsia niesankcyjanavany siłavy zachop hruzavych aŭtamabilaŭ, jakija naležać kandytarskaj karparacyi Roshen.
Pra heta havorycca ŭ paviedamleńni na aficyjnym sajcie kampanii.
Dźvie fury, viartajučysia z horada Rubiežnaje Łuhanskaj vobłaści, byli zatrymanyja ŭ Daniecku ŭzbrojenymi ludźmi kaŭkazskaj nacyjanalnaści. Hrupoŭka, jakaja niesankcyjanavana raźmiaściła błokpost, u asobie svajho pradstaŭnika, jaki nazvaŭ siabie Achmietam, zapatrabavała vykup u pamiery 30 tysiač dalaraŭ ZŠA za kožnuju mašynu.
«Na dumku miascovych žycharoŭ, hetaja hrupoŭka stvaryła tak zvany «kamiercyjny post» pa zbory hrašovych srodkaŭ dla finansavańnia terarystyčnych apieracyj u rehijonie», - havorycca ŭ paviedamleńni.
Pieramovy z pradstaŭnikami hrupoŭki pa viartańniu aŭtamabilaŭ pakul nie majuć plonu.