Dalar i jeŭra na Maskoŭskaj biržy ŭpali da trochmiesiačnaha minimumu
Siońnia dalar i jeŭra prykmietna źnizilisia na Maskoŭskaj biržy. Jany abnavili trochmiesiačnyja minimumy.
Pieršyja ździełki pa dalaru ZŠA prajšli na AHS u aŭtorak u miežach 34,86-35,985 rub./$ 1, u siarednim za paŭtary chviliny kurs skłaŭ 34,91 rub./$1, heta na 13 kapiejek nižej za ŭzrovień papiaredniaha zakryćcia. Jeŭra pry hetym apynuŭsia na ŭzroŭni 48,07 rub./EUR1, adstupiŭšy na 21,5 kapiejki da adznaki papiaredniaha zakryćcia. Košt bivalutnaha košyka ($0,55 i EUR0,45) apuściŭsia na 17 kapiejek, da 40,83 rubla.
Dalar apynuŭsia pry hetym na 30 kapiejek nižej dziejučaha aficyjnaha kursu, jeŭra - na 41 kapiejku nižej aficyjnaha kursu. Dalar, jeŭra i bivalutny košyk apynulisia na minimalnym uzroŭni ź lutaha, h.zn. prykładna za 3 miesiaca.
Pavyšeńnie rubla pry adkryćci tarhoŭ źviazvajecca ekśpiertami z palapšeńniem nastroju na rasiejskim rynku kapitału. Košt bivalutnaha košyka ź sierady minułaha tydnia trymajecca pa-za zonaj interviencyj CB RF (z 2 traŭnia nižniaja miaža hetaj zony składaje 41,45 rubla, heta značyć, bolš čym na 60 kapiejek vyšej uzroŭniaŭ košyka z ranicy ŭ aŭtorak). U apošni raz taki praciahły pieryjad znachodžańnia košyka pa-za zonaj interviencyj CB RF naziraŭsia vosieńniu 2013 hoda.