Pad Ivacevičami ŭzarvałasia vybuchovaje prystasavańnie, zahinuŭ mužčyna
Trahičnaje zdareńnie adbyłosia ŭ Kosavie na adnym z pryvatnych padvorkaŭ padčas zboru mietałałomu.
Siarod mietału, jak akazałasia, znachodziłasia vybuchaniebiaśpiečnaje prystasavańnie. Zahinuŭ pryjomščyk mietałałomu. Voś što raspavioŭ u intervju telekanału «Biełaruś 1» Siarhiej Udovikaŭ, namieśnik načalnika ŭpraŭleńnia Śledčaha kamiteta pa Bresckaj vobłaści:
«Pravodzicca pravierka pa fakcie hibieli 44-hadovaha žychara Ivacevickaha rajona. Śledčyja vyśvietlili, što śmierć vierahodna nastupiła ŭ vyniku vybuchu nieviadomaha vybuchovaha prystasavańnia».
Pravaachoŭniki i sapiory na miescy zdareńnia vyjavili jašče niekalki vybuchaniebiaśpiečnych pradmietaŭ. Što heta było, nie paviedamlajecca.
Znachodki vyvieźli na palihon i abiasškodzili. Pravodzicca pravierka, pryznačanyja ekśpiertyzy.