Novy virus Samsapo pahražaje ruskamoŭnym karystalnikam Android
Pra źjaŭleńnie novaj škodnaj prahramy papiaredžvaje Mižnarodnaja antyvirusnaja kampanija ESET.
Pahroza dadadzienaja ŭ bazu sihnatur virusaŭ jak Android/Samsapo.A. Škodnaja prahrama zdolnaja da aŭtamatyzavanaha raspaŭsiudžvańnia z zaražanaj Android-pryłady. Jak paviedamlajuć śpiecyjalisty, pošuk novych achviar ažyćciaŭlajecca z dapamohaj mietadaŭ sacyjalnaj inžynieryi. Naprykład, infikavany Samsapo rassyłaje pa ŭsioj adrasnaj knizie karystalnika SMS-paviedamleńnie z tekstam na ruskaj movie «Heta tvaje fota?» I prykładaje spasyłku na škodnasnym ARK-fajłam, paviedamlaje pres-słužba ESET.
Akramia samaraspaŭsiudu, Samsapo maje nastupnyja mahčymaści:
- padpisvaje karystalnika na płatnyja pasłuhi (SMS-trajan);
- pieradaje piersanalnyja dadzienyja achviary: numar telefona, SMS-paviedamleńni i inšaje — na adlehły siervier (špijonskaje PA);
- zahružaje na pryładu inšyja škodnyja fajły z peŭnych URL-adrasoŭ (downloader);
- maskiruje siabie pad sistemnuju ŭtylitu com.android.tools.system v1.0;
- błakuje telefonnyja vykliki;
- madyfikuje nałady zvanka;
nie maje GUI i nie rehistruje značok u śpisie dadatkaŭ.
Ekśpierty praciahvajuć sačyć za aktyŭnaściu škodnaj prahramy i rekamiendujuć karystalnikam Android-pryład prytrymlivacca nastupnych parad:
1. Abmiažujcie ŭstanoŭku dadatkaŭ ź nieviadomych krynic.
2. Budźcie ŭvažlivyja i nie paddavajciesia na chitryki złamyśnikaŭ.
3. Ustalujcie na smartfonach i płanšetach na Android antyvirusnaje PA. jakoje budzie svoječasova abnaŭlacca.