«Danieckaja narodnaja respublika» zabaraniła ŭjezd na svaju terytoryju Abamu, Mierkiel, Eštan
«Danieckaja narodnaja respublika» zabaraniła ŭjezd i pralot nad svajoj terytoryjaj prezidentu ZŠA Baraku Abamu, kancleru Hiermanii Anhiele Mierkiel, viarchoŭnamu pradstaŭniku ES pa pytańniach źniešniaj palityki i palityki biaśpieki Ketryn Eštan i premjer-ministru Vialikabrytanii Devid Kemieran.
Tekst adpaviednaj pastanovy apublikavany ŭ Twitter DNR.
Ujaznyja sankcyi suprać Abamy i Mierkiel užytyja ŭ suviazi z padtrymkaj ź ich boku antyterarystyčnaj apieracyi va Ukrainie, a suprać Eštan — «za chałatnaść u vykanańni svaich abaviazkaŭ, jakaja dazvoliła nieanacystam pačuvacca biespakaranymi, što pryviało da złačynstvaŭ suprać čałaviečnaści ŭ Adesie».
Pry hetym Abamu zabaronieny ŭjezd da listapada 2014 h., a Mierkiel i Eštan — da vieraśnia 2014 uklučna.
Kemieran uklučajecca ŭ śpis ŭmoŭna, biez prymianieńnia sankcyj na praktycy, «z prapanovaj abdumać svajo staŭleńnie da kijeŭskaj chuncie».