Janukovič-małodšy pakinuŭ Partyju rehijonaŭ
Viktar Janukovič-małodšy, syn eks-prezidenta Ukrainy Viktara Janukoviča, vyrašyŭ vyjści z Partyi rehijonaŭ. Pra heta jon paviedamiŭ na svajoj staroncy ŭ facebook.
Svajo rašeńnie Janukovič-małodšy patłumačyŭ «vyradžeńniem» partyi, jakaja, na jaho dumku, stała «pasłuchmianym instrumientam u rukach kataŭ svajho naroda», a taksama niežadańniem być «saŭdzielnikam hienacydu ŭłasnaha narodu i inšych złačynnych dziejańniaŭ, jakija maŭkliva padtrymlivajucca reštkami partyi».
«Boh i čas nas usich rassudziać. A ciapier treba dumać pra inšaje: pra krainu, jakaja razvalvajecca, i jaje pakutujučych hramadzian — našych vybarščykaŭ, kali chtości pra heta ŭvohule pamiataje», — adznačyŭ Viktar Viktaravič.