Režysior-oskaranosiec pamior u 36 hadoŭ
Šviedski režysior Malik Biendžełul, jaki atrymaŭ u 2013 premiju «Oskar», pamior va ŭzroście 36 hadoŭ. Cieła režysiora było znojdziena ŭviečary 13 maja.
Pra heta paviedamlaje Associated Press.
AFP
Pradstaŭnik palicyi Pia Hlenvik raspavioŭ, što režysior pamior u Stakholmie. Adnak miesca śmierci i jaje pryčyny nie ŭdakładniŭ. Kryminalnuju viersiju ŭ palicyi adkinuli.
Karcina Biendžełula «U pošukach Cukrovaha Čałavieka» atrymała «Oskara» ŭ naminacyi «Najlepšy dakumientalny film». U hetaj ža katehoryi film atrymaŭ premiju Brytanskaj akademii kino i telebačańnia (BAFTA).
Biendžełul naradziŭsia ŭ Šviecyi ŭ 1977 hodzie. U dziacinstvie jon zdymaŭsia ŭ sieryjale «Eba i Dzidryk». «U pošukach Cukrovaha Čałavieka» byŭ režysiorskim debiutam Biendžełula.