ES vydzieliŭ 750 młn na źnižeńnie zaležnaści ad rasijskaha hazu — ŚMI
Jeŭrakamisija vydzieliła pieršyja 750 młn jeŭra na pryjarytetnyja prajekty pa enierhietyčnaj niezaležnaści.
Pra heta paviedamlaje «Ukrinform» sa spasyłkaj na šviejcarskaje dziełavoje vydańnie Romandie.com.
«Jeŭrapiejskaja kamisija abviaściła ab vydzialeńni pieršaha tranšu ŭ sumie 750 młn jeŭra ź biudžetu ES na sufinansavańnie pryjarytetnych prajektaŭ, jakija składajuć ahulnuju infrastrukturu dziaržaŭ-členaŭ u śfiery enierhietyki», — havorycca ŭ paviedamleńni.
U hetym kantekście vydańnie cytuje jeŭrakamisara pa pytańniach enierhietyki Hiuntera Etynhiera, jaki zajaviŭ, što «ciapierašni kryzis va Ukrainie padkreślivaje važnaść raźvićcia enierhietyčnaj infrastruktury i budaŭnictva tych źvionaŭ, što adsutničajuć pamiž dziaržavami-členami, z metaj umacavańnia enierhietyčnaj biaśpieki Jeŭrasajuza».
Usiaho dla realizacyi pryjarytetnych prajektaŭ płanujecca vyłučyć 5,85 młrd jeŭra na praciahu 2014—2020. Srodki buduć vydzialacca ŭ ramkach Jeŭrapiejskaha miechanizmu abjadnanych enierhasistem.
Pieršy tranš vydzieleny dla finansavańnia daśledavańniaŭ i budaŭnictva šerahu prajektaŭ. Paviedamlajecca, što śpis prajektaŭ byŭ zaćvierdžany Jeŭrapiejskaj kamisijaj jašče ŭ kastryčniku 2013 hoda.
Jon uklučaje ŭ siabie kala 250 prajektaŭ enierhietyčnaj infrastruktury, u tym liku i budaŭnictva hazapravoda Midcat pamiž Ispanijaj i Francyjaj.