U Krupskim rajonie ŭ rajvykankam vyklikajuć biudžetnikaŭ, jakija padpisanty «Revalucyi praz sacyjalnyja sietki» Ukantakcie
Voś što raskazała nam čytačka Nastaśsia:
«Mažliva, Vam budzie cikava situacyja, jakaja siońnia mianie vielmi aburyła. Choć u RB takoje nikoha nie ździŭlaje.
Siońnia maja mama mnie patelefanavała i skazała adpisacca ad usich apazicyjnych / revalucyjnych supołak Ukantakcie. Voś što jana mnie raspaviała.
Ukantakcie jość supołka «Revalucyja praz sacyjalnuju sietku — Ruch budučyni». Dyk voś, ideałahičny adździeł rajvykankama horada Krupki znajšoŭ usich padpisantaŭ z Krupak — 70 čałaviek ich było (užo stała 68).
Siarod hetych ludziej była dačka hałoŭnaha buchhałtara i hałoŭny ekanamist rajvykankama (jakaja, darečy, znachodzicca ŭ dekretnym adpačynku). Dyk voś, hetych žančyn siońnia vyklikali ŭ rajvykankam i pahražali zvalnieńniem.
Vidavočna, što mahčymaść paŭtareńnia ukrainskaj revalucyi ŭ Biełarusi ich vielmi chvaluje, kali pačali čaplać ludziej za padpiski ŭ sacyjalnych sietkach», — robić vysnovu čytačka Nastaśsia.