Minabarony Rasii pačało pastaŭlać vadu ŭ Krym
Padraździaleńni materyjalna-techničnaha zabieśpiačeńnia Minabarony RF prystupili da padačy pitnoj vady na paŭdniovy ŭschod Kryma.
Ukraina zabiaśpiečvała da 85% patrebaŭ Kryma ŭ presnaj vadzie praz Paŭnočna-Krymski kanał, jaki złučaje hałoŭnaje rečyšča Dniapra z paŭvostravam. Paśla dałučeńnia Kryma da Rasii stała viadoma, što z krasavika ŭ respubliku całkam była spynienaja padača vady pa Paŭnočna-Krymskim kanale. U mai paviedamlałasia, što ministerstva abarony Rasii akaža dapamohu Krymu z pastaŭkami vady.
«Padraździaleńni trubapravodnaha bataljona bryhady materyjalna-techničnaha zabieśpiačeńnia Zachodniaj vajennaj akruhi prystupili da padačy presnaj pitnoj vady z artezijanskaj śvidraviny ŭ horad Stary Krym na paŭdniovym uschodzie Kryma», — havorycca ŭ paviedamleńni.
Pa źviestkach viedamstva, štodnia trubapravod padaje kala 2 tysiač kubičnych mietraŭ vady.