Biełaruś uvajšła ŭ śpis krain z najhoršymi ŭmovami dla pracy
U rejtynhu Mižnarodnaj kanfiederacyi prafsajuzaŭ (MKP) Biełaruś zaniała adno z apošni miescaŭ pavodle ŭmoŭ pracy dla najomnych rabočych.
Krainy pavodle rejtynhu ŭmoŭ dla pracy. Čym ciamniejšy koler, tym mienš pravoŭ i svabodaŭ majuć najomnyja rabočyja.
Arhanizacyja analizuje vykanańnie pravoŭ i svabodaŭ rabočych ciaham 2013 hoda na padstavie 97 pakazčykaŭ, da jakich adnosiacca mahčymaść udziełu ŭ prafsajuzach, strajkach i h.d.
Kraina moža atrymać ad adnaho da piaci bałaŭ. Adzin bał — heta najlepšy vynik i adpaviadaje krainam, u jakich parušeńnie pravoŭ najomnych rabočych adzinkavyja i redkija. Piać bałaŭ — rabočyja nie majuć pravavych harantyj i efiektyŭnaha dostupu da svabodaŭ, navat kali pravy i svabody ŭtrymlivajucca ŭ pracoŭnym zakanadaŭstvie.
U vyniku praviedzienaha MKP analizu Biełaruś atrymała piać bałaŭ. Susiedkami Biełarusi pa miescy stali 24 krainy, siarod jakich Kitaj, Zimbabve, Kambodža, Turcyja, Łaos, Indyja.
Adzin bał nabrali Barbados, Bielhija, Danija, Estonija, Finlandyja, Francyja, Hiermanija, Isłandyja, Italija, Litva, Čarnahoryja, Niderłandy, Narviehija, Słavakija, Paŭdniova-Afrykanskaja Respublika, Šviecyja, Toha i Uruhvaj.
Taksama 8 krain: Ukraina, Siryja, Sudan, Paŭdniovy Sudan, Samali, Palestyna, Livija i Centralna-Afrykanskaja Respublika atrymali bał 5+, jaki raŭnaznačny bału 5, ale adlustroŭvaje, što situacyja z pravami i svabodami rabčych vyklikana biaździejnaściu dziaržaŭnych instytutaŭ u suviazi z unutranymi kanfliktami ci vajskovaj akupacyjaj.