Siamaška: Biełaruś hatova padpisać Damovu ab JEAES 29 maja
Biełaruś hatova padpisać damovu ab Jeŭrazijskim ekanamičnym sajuzie 29 maja, zajaviŭ siońnia ŭ čas Biełaruskaha pramysłovaha forumu pieršy vice-premjer Biełarusi Uładzimir Siamaška.
«Prajekt Damovy prajšoŭ usie ŭzhadnieńni i čakajecca jaho padpisańnie 29 maja kiraŭnikami dziaržaŭ, — skazaŭ jon. — Siońnia va ŭradzie my jašče raz abmierkavali hety dakumient
i znajšli rašeńni pa ŭsich pytańniach. Biełaruski bok pryncypova hatovy da padpisańnia damovy».
Pavodle słoŭ Siamaški, Biełaruś praciahvaje zychodziačy z taho, što ŭ ramkach sajuza nie pavinna być nijakich vyklučeńniaŭ i abmiežavańniaŭ.
«Respublika Biełaruś zychodzić z taho, što Jeŭrazijski ekanamičny sajuz pavinien hruntavacca na poŭnamaštabnym mytnym sajuzie bieź jakich-niebudź vyklučeńniaŭ i pieraškod ekanamičnaha charaktaru», - padkreśliŭ pieršy vice-premjer.