Dziaržava biare pad kantrol impart makarony i šakaładu z-za miežaŭ MS
Impart šakaładu i makarony z-za miežaŭ MS budzie mahčymy tolki pa licenzii
Zhodna z pastanovy Saŭmina, licenzavańnie ŭvodzicca z 1 červienia 2014, paviedamlaje BiełTA.
U śpisie tavaraŭ takija kandytarskija vyraby, jak kruchmalnaja pataka, bieły šakaład, dražyravanyja tavary, kandytarskija vyraby ŭ vyhladzie humki i žele, ledziancovaja karamiel, šakaład i inšyja hatovyja charčovyja pradukty, jakija źmiaščajuć kakava, roznyja šakaładnyja cukierki, u tym liku tyja, jakija źmiaščajuć ałkahol, imbirnaje, suchoje i sałodkaje suchoje piečyva, vafli i vafielnyja apłatki i inš.
Razavyja licenzii na impart hetych tavaraŭ budzie vydavać Minhandlu pa ŭzhadnieńni ź Minsielhascharčam i kancernam «Biełdziaržcharčpram».
Atrymać licenziju možna budzie tolki pry najaŭnaści pahadnieńniaŭ pamiž kancernam «Biełdziaržcharčpram» i Minsielhascharčam z kampanijami-pastaŭščykami. Takija pahadnieńni pavinny vyznačać minimalnyja ceny na makarony i kandytarku. Źniešniehandlovy dahavor pavinien praduhledžvać, što pastavić u Biełaruś hetyja tavary pa cenach nižejšych za minimalna vyznačanyja nielha.