Na ŭkrainskim konsulstvie ŭ Hrodnie namalavali svastyku FOTA
Abraźlivy malunak źjaviŭsia ŭ noč z aŭtorka na sieradu, jaho zaŭvažyła ranicaj prybiralščyca.
Dla supracoŭnikaŭ konsulstva akt vandalizmu staŭ niečakanaściu:
«Raniej, kali ŭ Kijevie prachodzili viadomyja padziei, ludzi nieśli da budynka kvietki i źnički, spačuvali, — raspaviadaje supracoŭnica kansulata Viktoryja Ryžykava, — nijakich pahrozaŭ, ničoha padobnaha ŭ naš bok raniej nie było».
Svastyku zamalavali ŭžo ŭ pieršaj pałovie dnia, a ŭ bližejšaj budučyni supracoŭniki kansulata płanujuć prydbać videarehistratar.
Na hetym ža budynku, tolki ź inšaha boku znachodzicca pamiatnaja šylda pa zahinuŭšych ciaham vajny hrodzienskich jaŭrejach, jakuju niekalki hod tamu nieafašysty ablili karyčnievaj farbaj. Naohuł u Hrodnie ŭviesnu hetaha hoda pačali źjaŭlacca nie bačanyja raniej hrafici z abrazami ŭ bok ZŠA i NATO