Siamaška: Na Hrodna-Azot pretendujuć 4 rasijskija pakupniki
Žadańnie pryniać udzieł u pryvatyzacyi AAT «Hrodna Azot» pažadali 4 rasiejskija kampanii, śćviardžaje pieršy vice-premjer Uładzimir Siamaška.
«Patencyjna razhladajucca 4 kampanii: heta rasijskija kampanii, i heta zrazumieła, bo pryrodny haz — rasijski», — skazaŭ siońnia Siamaška.
«Heta Rośniefť, Hazprom, JeŭraChim i niejkaja uralskaja kampanija. Ja nie hatovy zaraz dakładna nazvać», — paviedamiŭ jon.
U ramkach abvieščanaha Dziaržkammajomaściu RB konkursu Biełaruś hatovaja pradać inviestaru, jaki vałodaje nieabchodnym abjomam pryrodnaha hazu, kantrolny pakiet 50 % +1 akcyja Hrodna-Azota za startavy košt 850 młn. dołaraŭ plus nie mienš za 1,2 młrd inviestycyj u raźvićcio vytvorčaści z šeraham časovych abmiežavańniaŭ, u tym liku i na rasparadžeńnie akcyjami.