Pieršyja zaniatki kursaŭ «Mova nanova» sabrali ŭ Viciebsku 60 čałaviek FOTY
Na pieršy zaniatak publičnych kursaŭ pa vyvučeńni biełaruskaj movy «Mova nanova» ŭ Viciebsku 25 maja sabrałasia bolš za 60 čałaviek.
Kursy prachodzili ŭ pamiaškańni kulturna-histaryčnaha kompleksa «Załatoje koła Viciebska «Dźvina». Adkryli ich i praviali pieršy zaniatak stvaralniki kursaŭ — minčanie Alesia Litvinoŭskaja i Hleb Łabadzienka.
U Minsku hetyja niefarmalnyja kursy rodnaj movy źjavilisia ŭ studzieni 2014 hoda i chutka nabyli papularnaść. Da Viciebska zaniatki ŭžo prachodzili ŭ Babrujsku, Baranavičach, Harodni, Niaśvižy, Bieraści, Maładziečnie, Mahilovie i navat Krakavie.
Na pieršaj sustrečy naviedniki zmahli daviedajecca pra spradviečna biełaruskuju formu ŭłasnaha imia, navučycca lepš karystacca sinonimami, pravilna nazyvać usich svaich svajakoŭ i papraktykavacca ŭ pryhožym maŭleńni. Na zakančeńnie prahučaŭ zapis hołasa Janki Kupały.
Kancepcyja kursaŭ — nieakademičnaje vyvučeńnie movy. To bok, usia infarmacyja — leksika i hramatyka — padajecca pravieranaj i piśmiennaj. Ale robicca heta ŭ interaktyŭnych formach, cikava i niazmušana.