Na vychodnych sinoptyki abiacajuć daždžy, zalevy, hrad
U bližejšyja sutki, 31 maja, čakajecca vobłačnaje z prajaśnieńniami nadvorje U načnyja hadziny miescami pa Bresckaj i Homielskaj abłaściach, ranicaj i dniom na bolšaj častcy terytoryi krainy, čakajucca daždžy, prahrymiać navalnicy.
Dniom miescami projduć mocnyja zalevy, pa paŭdniovym uschodzie krainy — hrad.
Viecier paŭnočny ŭmierany, pry navalnicach paryvisty, dniom miescami mocny paryvisty. Tempieratura pavietra ŭnačy budzie vahacca ad +5°C pa paŭnočnym zachadzie da +13°C pa paŭdniovym uschodzie; dniom — +13.. +19°C, pa ŭschodzie krainy pavietra prahrejecca da +20.. +24°C.
U nastupnyja dvoje sutak, u niadzielu i paniadziełak, kraina budzie znachodzicca pad upłyvam atmaśfiernych frantoŭ, źviazanych z paŭdniovym cykłonam, jaki pieramiaščajecca z Adeskaj vobłaści na paŭdniovy ŭschod Polščy.
1 i 2 červienia, zachavajecca niaŭstojlivaje z daždžami nadvorje.
Miescami projduć mocnyja daždžy, prahrymiać navalnicy, udzień mahčymy hrad, pry navalnicach paryvisty viecier.
Tempieratura pavietra ŭnačy budzie znachodzicca ŭ miežach 9.. 16°C, dniom pavietra prahrejecca ad 13°C na zachadzie da +26°C na ŭschodzie krainy.