Za čas sutyčak z bajevikami na Danbasie zahinuli 210 čałaviek, dvoje ź ich — dzieci
udakładniena
Za čas praviadzieńnia antyterarystyčnaj apieracyi na ŭschodzie Ukrainy ŭ morhi pastupiła 210 čałaviek, ź ich dvoje dziaciej, paviedamiŭ ministr achovy zdaroŭja Ukrainy Aleh Musij.
«Ahulnaja kolkaść zahinułych 210 čałaviek za pieryjad ATA, heta tyja, što pastupili ŭ morhi», — skazaŭ jon žurnalistam u sieradu ŭ Kijevie.
«Heta tyja, chto pastupiŭ u morhi ustanoŭ achovy zdaroŭja. Inšych identyfikavanych abo nieidentyfikavanych, jakich terarysty zabirajuć i vyvoziać — pa ich u Ministerstva achovy zdaroŭja dadzienych niama, tamu što my nie supracoŭničajem ni z DNR, ni ź inšymi terarystyčnymi arhanizacyjami, i jany nam takuju infarmacyju nie padajuć», — skazaŭ jon.
Spačatku infarmahienctvy pieradali, što była nazvana ličba 14 zahinułych dziaciej, ale paśla ministerstva ŭdakładniła, što heta ahulnaja ličba dziciačaj śmiarotnaści ŭ rehijonie, nie źviazanaj z bajami. A dziaciej zahinuła dvoje — u Słaviansku, ad papadańnia snarada.