Surykaŭ: Kali bazy NATA buduć razhornutyja la miežaŭ, Rasija i Biełaruś buduć vymušanyja dać adekvatny adkaz
U vypadku ŭzmacnieńnia vajennaj aktyŭnaści NATA blizu biełaruskaj i rasijskaj miežaŭ Biełaruś i Rasija vymušany buduć dać adekvatny adkaz, zajaviŭ pasoł RF Alaksandr Surykaŭ 11 červienia na pres-kanfierencyi ŭ Minsku.
«Kali buduć razhornutyja vajennyja bazy kala miežaŭ, Rasija budzie vymušana na heta adkazvać. I Biełaruś zaniepakojenaja budzie vajennym rucham kala svaich paŭdniovych miežaŭ. Kali takija dziejańni z boku Ukrainy (mahčymaje ŭvachodžańnie ŭ NATA) buduć ažyćciaŭlacca, to adekvatnyja dziejańni i z boku Rasii, i z boku Biełarusi adbuducca», — adznačyŭ dypłamat. I dadaŭ: «Heta ž robicca nie dla taho, kab dziaŭčat u kino zaprašać, tamu adkaz budzie».
Pry hetym pasoł zaŭvažyŭ, što spadziajecca na «razvažnaść NATA». «Śviet i biez hetaha načynieny zbrojaj», — skazaŭ Surykaŭ.