U Biełaruś pastupili pieršyja 16,3 młn z $500 młn kredytu «Źniešekanambanka» dla BiełAES
U Biełaruś pastupili pieršyja srodki pa kredytnaj damovie pamiž biełaruskim uradam, rasijskim «Źniešekanambankam» i «Biełźniešekanambankam».
«9 červienia 2014 hoda ažyćcioŭlena pieršaja vybarka srodkaŭ u pamiery $16,3 młn pa kredytnaj damovie, zaklučanaj 15 maja 2014 hoda pamiž uradam Respubliki Biełaruś, dziaržaŭnaj karparacyjaj «Bank raźvićcia i źniešnieekanamičnaj dziejnaści (Źniešekanambank)» i adkrytym akcyjaniernym tavarystvam «Biełźniešekanambank» na sumu $500 młn», - paviedamili ŭ Ministerstvie finansaŭ.
Naziralny saviet «Źniešekanambanka» 19 śniežnia 2013 hoda pryniaŭ rašeńnie ab adkryćci ŭradu Biełarusi kredytnaj linii da $500 młn na termin da vaśmi hadoŭ. Kredytnyja srodki buduć nakiravany na finansavańnie avansavych płaciažoŭ pa prajekcie budaŭnictva Biełaruskaj AES.
Kredytny dahavor byŭ padpisany 15 maja ŭ Minsku.