BHK imia Miaškova padpisaŭ kantrakt sa słavienskim handbalistam Simonam Razhoram
Brescki handbolny kłub imia Miaškova, jaki vyjhraŭ čempijanat i Kubak Biełarusi, praciahvaje farmiravać sastaŭ na nastupny siezon. Druhim navičkom najmacniejšaha handbolnaha kłuba krainy staŭ słavieniec Simon Razhor. 28-hadovy levy krajni padpisaŭ z BHK dvuchhadovy kantrakt.
Da pierajezdu ŭ Brest Razhor vystupaŭ na radzimie za «Celeje» i «Marybor». Za siem siezonaŭ u składzie «Marybora» jon zakinuŭ 1.173 miačy — absalutny bambardzirski rekord u historyi kłuba.
Pieršym navičkom brestaŭčan staŭ 32-hadovy levy paŭsiaredni ź Sierbii Nikoła Majnołavič.
Pa vynikach minułaha siezona BHK pakinuli piać handbalistaŭ. Rasijanin Juryj Tataryn płanuje vystupać u Rumynii, charvat Robiert Markocič — u Francyi, litoviec Nieryjus Atajevas, charvat David Miličavič i sierb Miłan Džukič ź miescam nastupnaj pracy pakul nie vyznačylisia.
U minułym siezonie kolery BHK abaraniali 12 lehijanieraŭ, zaraz u brestaŭčan dzieviać zamiežnych hulcoŭ.